अपडेट

कविता


राक्षस जस्तै
सामुद्रीक मुख आँ गरेर
लमतन्न तेर्सीएको
यो भौगोलीक दुरी
तिम्रो र मेरो प्रेमको
डरलाग्दो खलनायक हो
॰॰॰॰॰
मान्छे हरु भन्छन
नदिका समानान्तर किनारा हरु
कहिल्यै भेटीने छैनन,
तर तिनी हरुलाई के थाह
स्थिर भएर एक ले अर्कोलाई
लगातार नियाली रहनुको आनन्द
॰॰॰॰॰
छोईएर ठोकीनुको चोट
धेरैले अनुभव गरे होलान यहाँ
वास्तविक आनन्द त
नछोईकनै टकराउनु मा छ
नदेखेरै रमाउनुमा छ
प्रेम लाई सपनाको संसार मानेर हेर
वास्तविक रमाईलो त
त्यै सपनामा हराउनु मा छ !
॰॰॰॰॰
आशा हरु तन्कीए जस्तै
परिस्थीती लाई खुम्च्याउन मिल्ने भए
म पखेटा किन्थें होला सायद
यो दुरी लाई चुनौती दिन
यही दुरी त हो
न मेरो आशा लाई मर्न दिन्छ
न तिमीलाई भेटेर माया गर्न दिन्छ !
॰॰॰॰॰
म प्रेमको किसान भएको भए
वाध्यता का झार हरु लाई निमोठेर
रहरको खेती लाई मलजल गर्थें !
॰॰॰॰॰
जसरी धर्म ले
ईश्वर को उपस्थिती
र स्वरुप को वर्णन लाई
अलौकीक भन्छ
त्यसरी नै विज्ञानले पनि
हावा र पानी को स्वाद लाई
ठोस रुप मा वर्णन गरेको छैन
त्यसैले त धर्म शास्त्रमा
अमृतको स्वादको वर्णन गरीएको छैन
या नी जे कुरा पत्तालगाउन
या वर्णन गर्न सकिन्न त्यो कुरा
अलौकीक हुन्छ मान्छेको लागी
जस्तै मेरो लागी तिम्रो प्रेम..!

~ दुर्गा पंगेनी ~

कोई टिप्पणी नहीं