अपडेट

निर्देशक दिपा बस्नेतको संयोजकत्वमा ‘आर्ट अफ गिभिङं दिवस’ मनाइयो



चलचित्र निर्देशक दिपा बस्नेतको संयोजकत्वमा नेपालमा आर्ट अफ गिभिङं दिवसमनाइएको छ । हरेक वर्ष मे १७ मा विश्वभर मनाइने यो दिवस शुक्रवार नेपालमा पनि मनाइएको हो । तारकेश्वर नगरपालिका गोलढुगांमा रहेको मातृ नेपाल अपाङ्ग सङ्घद्धारा सञ्चालित बालगृहमा सम्पन्न कार्यक्रममा त्यहाँ आश्रितहरूलाई खाद्यान्न, स्टेशनरी लगायत सामाग्री प्रदान गरिएको थियो । यो पटक बालबालिकाहरूलाई खुसीले भरिएको झोलाभन्ने थिम राख्दै स्कुल झोला पनि वितरण गरिएको हो ।

संसारमै सबैभन्दा ठुलो निःशुल्क आदिवासी आवासीय विद्यालय भनेर चिनिएको भारतको कलिंगा इन्स्टियुट अफ सोसियल साइन्स (किस)को सहयोगार्थ नेपालमा मनाइएको उक्त कार्यक्रममा किसकी नेपाल प्रतिनिधि निर्देशक दिपा सँगै व्यवसायी शैलेन्द्र तुलाधरले सहजिकरण गरेका थिए । मातृ नेपाल अपाङ्ग गृहमा कलिंगा इन्स्टियुट अफ सोसियल साइन्स (किस)ले विगत ३ वर्ष यता खाद्यान्नमा सहयोग गर्दै आएको छ । कार्यक्रममा मातृ नेपाल अपाङ्ग सङ्घले कलिंगा इन्स्टियुट अफ सोसियल साइन्स (किस)ले गर्दै आएको सहयोगको कदरस्वरुप सम्मानपत्र प्रदान गरेको थियो ।

चलचित्र अन्तराल र श्री ५ अम्बरेको निर्देशन गरेकी बस्नेत केही वर्षदेखि सामाजिक कार्यमा पनि उत्तिकै सक्रिय छिन् । आफ्ना चलचित्रहरूमा पनि सामाजिक विषयवस्तु उठान गर्दै आएकी दिपा भन्छिन्, “हामीले सकेसम्म अरूलाई सहयोग गर्नुपर्दछ । आम्दानीको केही हिस्सा मात्र पनि सामाजिक कार्यमा लगाउन सके त्यो भन्दा पुण्यको काम केही हुँदैन ।

आर्ट अफ गिभिङदर्शनका प्रतिपादक डा.अच्युत सामन्त हुन् । यो दिनमा विश्वभर गरेर करिब १ करोड असहाय गरिब तथा अनाथहरूलाई भोजन गराइँदै आइएको छ ।


कोई टिप्पणी नहीं