दीपिका भुसाल जनसम्पर्क समिति इजरायलको सभापतिमा निर्बिरोध निर्वाचित

दीपिका भुसाललाई सर्वसम्मत सभापतिमा निर्वाचित गर्दै जनसम्पर्क समिति इजरायलको अधिवेशन सम्पन्न भएको छ । यही जुलाई १६ तारिख सम्पन्न अधिवेशनबाट दीपिका भुसाल निर्विरोध निर्वाचित भएकी हुन् । पर्वत फलेवास निवासी भुसाल सन् २००६ देखि इजरायलमा कार्यरत रही राजनीति र समाजसेवामा सक्रिय रहँदै आइरहेकी छन् ।

गैर आवासीय नेपाली संघ, अन्तराष्ट्रिय समन्वय परिषदका विभिन्न परियोजना साथै पर्वत सेवा समाज नेपाल र अन्तर्राष्ट्रिय पर्वत समाज नेपालमा समेत आबद्ध रहेर अनुभव संगालेकी भुसाल सँग जनसम्पर्क समिति इजरायलको स्थापना काल देखि हालसम्म महिला उपसभापतिको पदमा रहेर काम गरेको अनुभव समेत रहेको छ ।

बदलिँदो राजनैतिक परिस्थिति, देशको वर्तमान अवस्था र भर्खरै नेपाली काँग्रेस सत्तामा पुगेका विविध परिस्थितिहरू सँगै नेपाली काँग्रेसको सङ्गठन बिस्तारलाई अझै प्रभावकारी रूपमा अगाडी बढाउने र समाजसेवालाई पनि निरन्तरता दिँदै जाने कुरा नव निर्वाचित सभापति भुसालले बताइन ।